Ааҕар балаҕантан саҕалаан фондалаах бибилэтиэкэҕэ тиийии
Сэбиэскэй былаас олохтоноотун кытта партия, правительство үөрэҕэ суохтары үөрэхтээһиҥҥэ, оскуолалары, кулууптары, ааҕар балаҕаннары аһаттыырга сүрүн болҕомтотун уурбута. Күндэйэҕэ ааҕар балаҕан өссө сэрии иннигэр 1940 с. Иванова Анна Николаевна дьиэтигэр аһыллыбыта. онтон 1943-45 сс. тохтоон сылдьыбыта. Ааҕар балаҕаҥҥа хамнаһа суох Анна Николаевна кыыһа Евдокия Хрисанфовна Степанова үлэлээбитэ. Баара-суоҕа биир ыскаап кинигэни, «Хотугу сулус» сурунаал кэлэрин дьоҥҥо ааҕан, кэпсээн сырдатара.
1950 с. кулууп аһыллыбыта. Кулууп дьиэтигэр библиотека туһунан хоско үлэлээн барбыта. Онно бастакы библиотекарынан Татьяна Трифоновна Данилова диэн эдэркээн кыыс кэлэн үлэлээбитэ. Онтон 1952 с. библиотека Калинин аатынан холкуос хонтуоратыгар көспүтэ. Онно элбэх саҥа кинигэ атыылаһыллан фондата улааппыта. Ити сыл библиотекарынан орто үөрэхтээх Мария Алексеевна Захарова ананан кэлэн хас да сыл үлэлээбитэ. 1953 с. кулууп иһинэн үлэлиир бибилэтиэкэлэри сельскэй библиотека диэн уларытыллыбттара, Күндэйэ сельскэй бибилэтиэкэтэ диэн аатаммыта.
1959 с. совхоз саҥа хонтуората тутуллубута. Бибилэтиэкэринэн Анастасия Егоровна Алексеева үлэлээбитэ. Анастасия Егоровна араас өрүттээх үлэни тэрийэн ыытара: ааҕааччылар конференциялар, биэчэрдэр, кэрэхсэбиллээх көрсүһүү киэһэлэрэ буолаллара. Тустаах үлэтин таһынан Анастасия Егоровна общественнай үлэҕэ актыыбынайдык кыттара уонна араас өрүттээх тэрийэр-көҕүлүүр үлэни ыытара. Ол курдук партийнай тэрилтэ секретарынан, «Знание» түмсүүнү салайбыта, нэһилиэк депутатынан өр сылларга үлэлээбитэ. 1967 сыллаахха саҥа кулууп дьиэтэ тутуллан үлэҕэ киирбитигэр бибилэтиэкэ онно көспүтэ. Анастасия Егоровна кэнниттэн хас да сыл Антонина Николаевна Игнатьева таһаарыылаахтык үлэлээбитэ. Онтон анал бибилэтиэчнэй үөрэхтээх Ираида Игнатьевна Гурьева үлэлээбитэ. 1977 сыллаахха кииннэммит бибилэтиэчнэй ситим олоххо киирэн Сунтаар кииннэммит бибилэтиэчнэй ситимин 10-с нүөмэрдээх Күндэйэтэҕи филиал буолбута.
2007 с. нэһилиэк баһылыга Игорь Дмитриевич Максимов көҕүлээһининэн сопхуос уопсай дьиэтин көһөрөн, саҥаттан тутан Күндэйэ бибилэтиэкэтэ туһунан дьиэлэммитэ. Бу саҕана үлэтигэр олус бэриниилээх, бастыҥ общественник Валентина Васильевна бибилэтиэкэрдиирэ. Кини саламтатынан элбэх саҥа бырайыактар, тэрээһиннэр нэһилиэнньэҕэ анаан ыытыллаллара.
«Бибилэтиэкэ – сырдатар алаһа» диэн этэллэриннии билигин биһиги библэтиэкэбит аныгы тэтимнээх балысханнаах сайдыыны кытта тэҥҥэ сайдан үлэлиир. Ааҕааччыларын күннэтэ үөрэ-көтө көрсөр. Араас тэрээһиинэр, бырайыактар ыытыллаллар.
Ааҕар балаҕаҥҥа араас кэмҥэ үлэлээн ааспыттара:
1940 с. Петров Роман Саввич
1941-1945 сс. Степанова Евдокия Хрисанфовна
1945-1947 сс. Гурьев Серафим Петрович
1949-1950 сс. Лазарев Николай Андреевич
1951 с. Болурова Мария Андреевна
1953 сылтан Күндэйэҕэ сельскэй библэтикэ тэриллибитэ.
1952-1954 сс. Данилова Татьяна Трифоновна
1954-1957 сс. Петрова-Лукина Нина Саввична
1957-1959 сс. Захарова Мария Алексеевна
1959-1969 сс. Алексеева Анастасия Егоровна
1969-1973 сс. Токуева-Егорова Маркиза Ивановна
1973-1976 сс. Ларионова-Игнатьева Антонина Николаевна
1977 сылтан кииннэммит бибилэтиэчнэй ситим олоххо киирэн 10-с нүөмэрдээх Күндэйэтээҕи филиал буолбута.
1976-1984 сс. Гурьева Ираида Игнатьевна
1984-1988 сс. Васильева Мария Титовна
Степанова Валентина Егоровна
Павлова Клавдия Егоровна
Васильева Екатерина Семеновна
1988-1990 сс. Спиридонова Саргылана Федотовна
1990-1999 сс. Саввинова Анна Назаровна
1999-2011 сс. Евсеева Валентина Васильевна
2012 с. сүрүннүүр бибилэтиэкэринэн Андреева Мария Александровна үлэлиир.
